நடிகை - நிர்வாணம் பரபரப்பு - ஏமாறும் தமிழர்கள்! VIDEO

Cinema may refer to: Filmmaking, the process of making a film; Movie theater, a building in which films are shown; Cinema (2008 film) or Bommalattam, a Tamil ...
தீந்தை பூசப்படாத வானம்

தீ போல தகிக்கும் பாலை வனம்
சாந்தமான தென்றலென வருடும் ஞாபகங்கள்
சரசமாடும் சினிமா மீதான போதை!

தொட்டில் பழக்கமாய்
ஒட்டிக் கொள்ளும் நினைவலைகள்
கிட்ட வந்து நெருங்காமலே தினமும்
கிச்சு கிச்சு மூட்டும் நடிகைகளின் முகங்கள்
அலை பாயும் மனதிடையே இருக்கும்
அழுக்கினை அகற்றிட நாளும்
பத்திரிகை நடுப் பக்கத்தினை நாடும் நரக மனம்
இவை யாவற்றுக்கும் நடுவே முனகும்
நடிகையின் உடல் மீதான நீங்காத இச்சை!

தேடல்கள் பலவாறாக இருக்கையில்
தமிழர் உடல் நாடல்கள் மட்டும்
நடிகை -நிர்வாணம் - கிசுக்கள் என
பலவற்றை வேண்டி நாளும் யாகம் நடத்தும்!
வேஷங்கள் அற்ற உலகம் இல்லையே என்பதால்
நம் மனங்களோ மதில் மேல் பூனையாய் தவழும்!

காட்சிகள்- சித்தரிப்புக்கள் - வர்ணிப்புக்கள் தாண்டி
கனவிலும் நனவிலும் சிந்தனைகள் எழுந்தாடும்
மனச் சாட்சியாய் எம்முள் ஏதும் உண்டா என
அறிய நினைக்கையிலோ மனிதம் வேஷம் போடும்!
அந்தி மாலை - மென்மை காற்று - அழுக்கு நீருள்
அமிழ்ந்த மனிதர் மனச் சிந்தையினை துடைக்க
இன்று வரை வழிகள் ஏதும் இல்லை!
சந்தியிலே நின்றாலும் சரசமாடும் மங்கை வாசம்
இல்லையென நினைக்கும் நொந்து போன
மனங்களுக்குத் தீனியான் பிட்டு படம்!

சமூகம்- கலாச்சாரம் - சீரழிவு வாழ்க்கை முறையின் முன்னே
வேண்டப்படாத தொழு நோய்க் காரியாக பிட்டு படம்!
சிதறும் நினைவுகளை ஒன்று திரட்டி
குவியப் பார்வையினூடே ஊடு புகட்டி
விரசம் நிறை உணர்வோடு வீதியில் தெறித்து வீழும்
உயிரணுக்களாய் பற்றிக் கொள்ளும் பரபரப்பு!

மனம் - கோயில்- மௌனச் சிறை கலந்த புன்னகை
எனத் தினம் சொல்லி வாழும் மனித வாழ்வு
பிணம் தின்னும் பேய்களாகி மீண்டும் மீண்டும்
தன் உணர்வின் வெளிப்பாட்டிற்கு அடையாளம் கொடுத்து
இணையத் தளங்களிலும் இரவல் மனங்களிலும்
இன்ப சுகம் வேண்டி தேடும் - நடிகை உடல் பார்க்க ஆவல் நீளும்!